પાકિસ્તાનના પ્રધાનમંત્રી ઇમરાન ખાને ફરી એકવાર કાશ્મીરનો મુદ્દો ઉઠાવ્યો છે. જો કે આ વખતે તેના નિવેદનમાં ડર સ્પષ્ટ દેખાઈ રહ્યો છે. ઇમરાન ખાને ટ્વિટ કર્યું છે કે, જો કાશ્મીરીઓની મદદ કરવા માટે પાકિસ્તાન તરફથી કોઈ પણ LoC પાર કરે છે, તો ભારત દુનિયાની સામે તેને પાકિસ્તાન પ્રાયોજિત ઇસ્લામિક આતંકવાદ જણાવે છે.
પાકિસ્તાનની સેના LoC પર સતત ફાયરિંગ કરીને ઘુસણખોરો અને આતંકવાદીઓને સરહદ પાર કરી ભારતમાં ઘુસાડવા પ્રયત્નો રહી છે પરંતુ ભારતીય આર્મીની તકેદારીના કારણે ઘુસણખોરો સરહદ પાર કરી શક્તા નથી. જે આતંકીવાદીઓએ PoK થી ભારત આવવાનો પ્રયત્ન કર્યો છે તેઓ ભારતીય સેનાની જવાબી કાર્યવાહીમાં માર્યા ગયા છે. ભારતની કડક કાર્યવાહીથી પાકિસ્તાન બોખલાઈ ગયું છે.
ઇમરાન ખાને કાશ્મીરમાં ઘૂસણખોરીનો પ્રયાસ કરી રહેલા આતંકવાદીઓની તરફેણ કરતાં કહ્યું કે, જો પાકિસ્તાન તરફથી કાશ્મીરીઓની મદદ માટે કોઈ સરહદ પાર કરે છે, તો ભારત દુનિયાની સામે તેને પાકિસ્તાન પ્રાયોજિત ઇસ્લામિક આતંકવાદનો કરાર આપે છે. ઇમરાન ખાને જુઠ્ઠાણું ફેલાવતા કહ્યું છે કે, કાશ્મીરમાં બે મહિનાથી લોકો અમાનવીય સ્થિતિમાં જીવવા મજબૂર છે.
ઉલ્લેખનીય છે કે જમ્મુ-કાશ્મીરમાંથી બંધારણની કલમ 370 ને હટાવ્યાને બે મહિના થઈ ગયા છે. આ દરમિયાન કાશ્મીર ખીણની સ્થિતિ ધીરે ધીરે સામાન્ય બની રહી છે. 2 ઓક્ટોબરના રોજ સરકારે અટકાયત કરાયેલા ઘણા નેતાઓને પણ મુક્ત કર્યા હતા.
જોકે પાકિસ્તાન એ હકીકત સ્વીકારવા જ તૈયાર નથી કે જમ્મુ-કાશ્મીરમાં સ્થિતિ સુધરી રહી છે. ભારતીય સેનાની કડક કાર્યવાહીથી નિરાશ થયેલા ઇમરાન ખાને કહ્યું હતું કે, કાશ્મીરમાં ભારત પોતાનો નેરેટિવ દુનિયાની સામે ચલાવવાનો પ્રયાસ કરી રહ્યું છે. LoC પર ભારતના આકરા પ્રત્યુત્તરથી પાકિસ્તાન ગભરાઈ ગયું છે. ઉપરાંત પાકિસ્તાનના પ્રધાનમંત્રી ઇમરાન ખાને ટ્વીટ કર્યું હતું કે જો કોઈ સરહદ પાર કરશે તો ભારતને સરહદ પર બદલો લેવાનું બહાનું મળી જાય છે.
